Cultura e ensino

Novos cursos na aula CeMIT en xuño

Neste mes de xuño crearase 1 novo grupo de iniciación ao que se lle ofrecerá un primeiro camiño formativo composto polos cursos de alfabetización dixital, “Iniciación á informática: Achégate ás TIC”, “Iniciación a internet: Sácalle partido á rede” e “Correo electrónico: webmail”.

Así mesmo a aula ofrecerá 3 cursos de correo electrónico dirixido aos usuarios que participaron en anteriores grupos de iniciación.

A oferta de cursos complétase con 2 cursos de procesador de texto: Iniciación a LibreOffice

A maiores, a aula CeMIT de Moaña continuará a sua colaboración coa Asociación de Familiares de Enfermos de Alzheimer do Morrazo (AFAMO), impartindo un curso de iniciación á informática adaptado aos seus membros.

O prazo para anotarse aos distintos cursos, comezará o xoves 23 de maio, dende as 12:30 da mañá.

As actividades da Aula CeMIT de Moaña en xuño complétanse coa aula aberta.

Novos cursos da aula CeMIT en Maio

Neste mes de maio crearanse 2 novos grupos de iniciación, así mesmo a aula ofrecerá 3 cursos de correo electrónico dirixido aos usuarios que participaron en anteriores grupos de iniciación, e a novos usuarios que posúan coñecementos básicos de navegación en Internet e correo electrónico.

A oferta de cursos complétase cun curso de Procura de emprego na rede”.

A maiores, a aula CeMIT de Moaña continuará a sua colaboración coa Asociación de Familiares de Enfermos de Alzheimer do Morrazo (AFAMO), impartindo un curso de iniciación á informática adaptado aos seus membros.

As actividades en maio completanse coa aula aberta na que os usuarios e usuarias poden dispoñer do equipo para uso libre e a resolución de dúbidas.

O prazo para anotarse aos distintos cursos, comezará o martes 23 de abril, dende as 12:30 da mañá.

 

A aula CeMIT impartirá nove obradoiros en abril

Neste mes de abril crearanse 3 novos grupos aos que se lles ofrecerá un primeiro camiño formativo composto polos cursos de alfabetización dixital, “Iniciación á informática: Achégate ás TIC”, e “Iniciación a internet: Sácalle partido á rede”, co obxectivo de capacitar o alumnado no uso básico de internet.

A maiores, a aula CeMIT de Moaña colaborará coa Asociación de Familiares de Enfermos de Alzheimer do Morrazo (AFAMO) ofrecendo un curso de iniciación á informática adaptado aos seus membros.

En total, a aula CeMIT de Moaña formará neste mes de abril a 56 persoas que compoñen un total de 7 grupos.

As actividades da Aula CeMIT de Moaña en abril complétanse coa aula aberta na que os usuarios e usuarias poden dispoñer do equipo para uso libre e a resolución de dúbidas. O horario da aula aberta será de 12:15 a 14:00 h de martes a xoves, de 19:00 a 20:00 h luns e mércores, e de 17:00 a 20:00 h martes, xoves e venres.

A aula CeMIT impartirá 3 obradoiros en marzo

A Aula CeMIT de Moaña acollerá dende o 18 de marzo ao 27 de xullo o obradoiro “Alfabetización dixital: Iniciación á informática". O horario será os luns, mércores e venres de 20:00 a 21:45 horas.

O mesmo curso de “Alfabetización dixital: Iniciación á informática” pero en horario de mañá impartirase entre o 19 e o 27 de marzo. O horario será os martes, mércores e xoves de 10:30 a 12:15 horas.

Entre o 19 de marzo ata o 2 de abril impartirase o curso “Alfabetización dixital: Iniciación á Internet”. O horario será os martes e xoves de 20:00 a 21:45 horas.

As actividades da Aula CeMIT de Moaña en marzo complétanse coa Aula aberta en horario de 12:15 a 14:00 de martes a xoves, e de 17:00 a 20:00 de luns a venres.

Máis artigos...

Bótalle un ollo a ...

Cartel
Cartel
Cartel
Cartel
Cartel
Cartel
Cartel
Cartel