Promoción Económica e Turismo:
A Área de Promoción Económica do Concello de Moaña regula e promove accións que favorezan os sectores do Comercio e Hostelería, Praza de Abastos, Mercados, Feiras e o sector da empresa en xeral.
A Área de Turismo do Concello de Moaña encárgase de organizar, promover ou colaborar cunha grande cantidade de actividades durante todo o verán e incluso noutras datas sinaladas do ano para promover a asistencia de visitantes ao noso pobo, por exemplo: Festival INTERCÉLTICO de Moaña, DÍAS DE MAR de Moaña, Festival de Rock MORRASOUND, Festa Medieval MOAÑA ANTIQUA, Feiras ECOartesás, Feira do Mel, Festival de JAZZ, Desfile de moda AMODIÑA, Festa do SAMAÍN, Festas de SAN MARTIÑO, Festas do ENTROIDO e NADAL…..e todas aquelas que precisan apoio na medida que poidamos e colaborando intensamente con outras áreas como a de Cultura, Normalización lingüística, Deporte e Igualdade.
