As cores do outono

Xa está a piques de rematar o verán, e a pesar de que o tempo estes días está a ser moi caloroso, xa estamos ás portas do outono. Na ludoteca imos enredar con esta nova estación que está a piques de comezar e farémolo decorando, xogando, rindo, con obradoiros… así seguro que comezamos o outono con moito ánimo!

Luns 19: DECORACIÓN (decoración e xogos).
Martes 20: O VENTO DO OUTONO (decoración e xogos).
Mércores 21: ESPANTALLOS (decoración e xogos).
Xoves 22: XOGOS DE OUTONO (xogos).
Venres 23: O NOSO OUTONO (obradoiro).

A ludoteca está dirixida a nenos e nenas entre 4 e 12 anos, que poden asistir dez horas á semana repartidas como as familias desexen, sempre contando horas completas.

Horario de luns a venres de 16.00 a 20.00 horas e os luns de 10.00 a 13.00 para atención ao público.

Para asistir é imprescindible cubrir uns impresos de solicitude na propia ludoteca. Existen diferentes tarifas para cada neno/a, das que se informa no momento de inscrición.

Máis información na Ludoteca ou no teléfono 986.31.50.38 (tardes).