As festas e os eventos populares que teñen lugar en Moaña son unha mostra do carácter alegre e aberto da súa poboación, que celebran de forma especial as festas patronais da Virxe do Carme e de San Martiño; pero que tamén teñen tempo para as romarías tradicionais e as exaltacións gastronómicas dos seus produtos.
Así mesmo, o Entroido Moañés ten sona en toda Galicia e o Festival Intercéltico é xa un clásico dentro da oferta musical e cultural tanto de Galicia como de España.
Nos últimos tempos celebracións como a Festa Medieval de Moaña Antiqua, o Festival de Jazz e a Festa da Diversidade van cobrando sona no panorama cultural e musical.
