Urbanismo:
Dende a área de Urbanismo do Concello de Moaña traballamos para concordar o desenvolvemento da nosa vila cun crecemento sostible e respectuoso co medio.
Facer unha vila máis humana, accesible e atractiva é o noso obxectivo.
Elaboramos e desenvolvemos proxectos que responden a eses tres condicionantes para dar resposta, deste xeito, ás demandas da veciñanza e aos criterios técnicos propostos polo urbanismo actual.
Do mesmo xeito e unha vez aprobado totalmente o PXOM, norma básica que define a Moaña das vindeiras décadas, só resta concienciar a veciñanza de que unicamente o máximo respecto á norma permite avanzar no concello que queremos e garante a igualdade e equidade nos seus dereitos e deberes urbanísticos.
Avanzar, pois, nestes obxectivos é unha tarefa que nos implica a todas as persoas.
