Esta guía interactiva, elaborada por Nerea Otero Pillado, complementa o xogo de parellas Lembra Moaña deseñado por Afouta, Deseño de orixe.
Está pensada para que as familias con crianzas coñezan a contorna na que viven mentres xogan con elementos característicos relacionados coa cultura mariñeira, o patrimonio e a natureza de Moaña:
Posúe moitos botóns interactivos: premendo neles e nas imaxes dos elementos (gaivota, mexillon, chalana… ) seremos quen de ir descubrindo unha morea de curiosidades moañesas.
Está redactada cunha letra caligráfica para facilitar a lectura desde etapas temperás. Cada ficha asocia unha imaxe cun texto, polo que se estimula a comprensión lectora. Tamén pode resultar útil para adquirir novo vocabulario e eliminar castelanismos da nosa fala.
