Praias

Praia Urbana de fácil acceso e de gran beleza. A continuación do porto de Moaña atopámonos coa praia do Con, un areal de cor Tostada, o cal delimita á súa dereita coa Punta de Cortés.

Praia urbana cun amplo parque de recreo moi ben conservado, e abundante céspede. Atópase no núcleo urbano de Moaña a escasos metros da estrada xeral e amplo aparcadoiro. Grandes bancos de area e coa marea baixa é ideal para o paseo.

O nome de “praia dos Alemáns” vénlle a esta praia porque, segundo contan os pescadores, serviu de refuxio a un grupo de soldados alemáns durante a Segunda Guerra Mundial. O seu nome é a do Canaval. É unha praia dunha extraordinaria beleza, tranquilidade e valores naturais.

Unha vez superada a ponte de Rande, seguindo a Estrada C-550 bordeando a ría de Vigo, atopámonos coa praia de Domaio cun pequeno porto pesqueiro, en fronte desta poderemos gozar da paisaxe das bateas de marisco situadas a pouca distancia da costa. Atopámonos nesta situación cerca do Club de Golf Domaio, desde o cal obteremos tamén unhas fabulosas vistas da Ría.

Esta praia xunto á de San Bartolomeu desenvolven un corredor que une a illa de San Bartolomeu (hoxe en día península) a través dunha estrada. É esta unha das poucas  praias onde poderá observar a construción das bateas (plataformas de madeira e flotadores utilizadas para o cultivo do mexillón e ostras), as cales verá dispersadas por todo o litoral do Morrazo.

Unha excelente praia; o acceso peonil desta presérvaa aínda da masificación común en case todas as praias de acceso rodado.