Novas

17 Feb
0

O DESCUBRIMENTO DE AMÉRICA, coñecer a historia para comprender o mundo actual. Ludoteca.

por en Benestar Social

Hai acontecementos que cambian por completo o xeito no que vemos o mundo que nos rodea, e se consideran Revolucións Sociais. O descubrimento de América foi un suceso que cambiou a historia da humanidade e xurdiu por parte dun navegante: Cristovo Colón, que foi o primeiro en establecer unha ruta segura cara o novo continente. Orixinouse así un verdadeiro intercambio cultural e económico cunha nova terra chea de recursos por descubrir. E coñecer a historia para comprender o mundo actual é un dos obxectivos que nos marcamos durante esta semana. Traballaremos con diferentes dinámicas e técnicas para entender de xeito lúdico esta parte da historia:

  • Luns 17: A RUTA DAS AMÉRICAS (maquetando a ruta).
  • Martes 18: LIBRO CRISTOVO COLÓN (libro para colorear).
  • Mércores 19: O GORRO DE COLÓN (obradoiro).
  • Xoves 20: PASATEMPOS (pasatempos do descubrimento).
  • Venres 21: XINCANA DAS AMÉRICAS (xincana).

A ludoteca está dirixida a nenos e nenas entre 4 e 12 anos, que poden asistir dez horas á semana repartidas como as familias desexen, sempre contando horas completas. 

Horario de luns a venres de 16.00 a 20.00 horas e os luns de 10.00 a 13.00 para atención ao público. 

Para asistir é imprescindible cubrir uns impresos de solicitude na propia ludoteca. Existen diferentes tarifas para cada neno/a, das que se informa no momento de inscrición.

Máis información na Ludoteca ou no teléfono 986.31.50.38 (tardes).

Ler máis...
17 Feb
0

Día de ROSALIA venres 21 de febreiro ás 17:30h

por en Cultura

Día de ROSALÍA DE CASTRO o venres 21 de febreiro ás 17:30h no Centro Sociocultural Rosalía de Castro de Domaio.

Ler máis...
13 Feb
0

ENTROIDO MOAÑA 2020 do 22 de febreiro ao 1 de marzo

por en Cultura, Destacada, Promoción Económica e Turismo

Xa dispoñible a programación do entroido 2020 en Moaña

ENTROIDO MOAÑA 2020, DO 22 DE FEBREIRO AO 1 DE MARZO

SÁBADO 22 DE FEBRElRO
17.00 h Pregón de apertura do Entroido a cargo da comparsa Sen tempo non era. Actuación das comparsas. Degustación de orellas e filloas. Na carpa do Entroido no paseo marítimo de Moaña
Organiza: Concellaría de Cultura
Colabora: Asociación de Mulleres de Moaña e CEIP Reibón
19.30 h Actuación de comparsas na Casa da Cultura de Verducedo
Organiza: A.W. Berducedo-O Piñeiro
Colabora: Concellaría de Cultura
23.30 h Festa do Entroido: actuación do grupo Lasto Kinsky e DJ Panza na carpa do Entroido
Organiza: Asociación A Fontenla e Asociación O Fisgón
Colabora: Concellaría de Cultura

DOMINGO 23 DE FEBRElRO
12.00 h Festival de Comparsas de Domaio no adro de San Benito de Domaio
(se chove, no C.S. Rosa lía de Castro)
Organiza: A.F.C. Charaviscas
Colabora: Concellaría de Cultura
17.00 h Actuación de comparsas ao longo da tarde no paseo marítimo
17.00 h Carnaval Tradicional de Meira. Saída do desfile de Madamas e Galáns dende O Pazo Redondo (O Pombal, Meira) ata o paseo de San Bartolomeu onde se realizarán as danzas tradicionais
Organiza: A.F.C.X. Meiramar-Axóuxeres
Colabora: Concellaría de Cultura

LUNS 24 DE FEBRElRO
17.30 h-20.00 h Obradoiros, música e animación infantil no alto da praza de abastos
Organiza: Concellaría de Cultura
17.00 h Actuación de comparsas ao longo da tarde no Rosal e As Barxas
20.30 h Festival de Comparsas no IES As Barxas
Organiza: Concellaría de Cultura
Colabora: IES As Barxas

MARTES 25 DE FEBRElRO
17.00 h-20.00 h Concurso infantil de disfraces e exposición dos debuxos do “Concurso de carteis do Entroido” no pavillón da Xunqueira
Organiza: Balonmán Moaña e Concellaría de Cultura
20.00 h Festival de Comparsas no C.S. Daniel Castelao (Quintela)
Organiza: A.W. A Bouza-Quintela
Colabora: Concellaría de Cultura
22.30 h Concurso de disfraces individua is no pavillón da Xunqueira e Festa do Entroido
Organiza: Balonmán Moaña e Concellaría de Cultura

MÉRCORES 26 DE FEBRElRO
17.30 h-19.00 h Obradoiros, música e animación infantil na carpa do Entroido (se chove, no alto da praza de abastos)
Organiza: Concellaría de Cultura

XOVES 27 DE FEBRElRO
17.30 h Festa do Entroido da Escala de Música no Auditorio do C.S. Daniel Castelao (Quintela). Actuación de comparsas da escala.
19.00 h Actuación de comparsas no Con e no Real

VENRES 28 DE FEBRElRO
20.00 h Actuación de comparsas no C.S. Castroviejo (Tirán)
Organiza: A.W. de Tirán “O Pegho”
Colabora: Concellaría de Cultura
22.30 h Festival do Entroido na Carpa do porto de Domaio
Organiza: A.C. Animado
Colabora: Concellaría de Cultura

SÁBADO 29 DE FEBRElRO
17.00 h Enterro da Xoubiña. Desfile e espectáculo pirotécnico
(se chove, trasládase ao domingo 8)
Organiza: Concellaría de Cultura
Colabora: Centros de ensino e ANPAS do Concello de Moaña
19.00 h Actuación de comparsas no adro da Peregrina (O Latón) (se chove, no CEIP A Guía)
Organiza: Asociación Comisión de Festas da Peregrina
Colabora: Concellaría de Cultura
23.00 h Festa e Concurso de Comparsas e DJ Shakusky e DJ lvan Alonso na carpa do Entroido
Organiza: Concellaría de Cultura
Colabora: Comparsa Vaille dando

DOMINGO 1 DE MARZO
17.00 h Enterro da Sardiña. Saída dende a rúa Ramón Cabanillas ata Concepción Arenal. Desfile e espectáculo pirotécnico

VER FOLLETO ENTROIDO MOAÑA 2020 oDescarga

Ler máis...
11 Feb
0

O QUE ARDE unha historia de lume e sacrificio.

por en Cultura, post

ESTREA EN MOAÑA

Do filme en galego máis visto e premiado da historia.

Xoves 13 de ferreiro de 2020, 20:00h.
Venres 14 de febreiro de 2020, 20:00h.

Auditorio do IES As Barxas. Entrada de balde ata completar aforo.

Ler máis...
10 Feb
0

Músicos robóticos

por en post

O contacto coa música dende a nenez, ademais de entreter e divertir, pode marcar unha diferenza considerable na formación, educación e desenvolvemento das habilidades dos nenos e das nenas. Dito contacto favorece o desenvolvemento do seu sistema motriz e da actividade cerebral, o que fomenta a súa creatividade e imaxinación. E se xogando coa música se aprende, na ludoteca imos facelo do seguinte xeito:

  • Luns 10: CREACIÓN MUSICAL (música con diferentes materiais).
  • Martes 11: COÑECEMOS MÚSIC@S (mural colectivo).
  • Mércores 12: TWISTER MUSICAL (dinámica e xogo musical).
  • Xoves 13: OCA MUSICAL (oca con probas).
  • Venres 14: XOGOS MUSICAIS (xogos con música).

A ludoteca está dirixida a nenos e nenas entre 4 e 12 anos, que poden asistir dez horas á semana repartidas como as familias desexen, sempre contando horas completas. 

Horario de luns a venres de 16.00 a 20.00 horas e os luns de 10.00 a 13.00 para atención ao público. 

Para asistir é imprescindible cubrir uns impresos de solicitude na propia ludoteca. Existen diferentes tarifas para cada neno/a, das que se informa no momento de inscrición.

Máis información na Ludoteca ou no teléfono 986.31.50.38 (tardes).

Tódalas actividades se realizarán na propia Ludoteca

Ler máis...
03 Feb
0

As tres erres: Reciclar, Reducir e Reutilizar

por en Benestar Social

Reciclar os residuos é unha responsabilidade que temos todos e todas co noso planeta e cos nosos fillos e fillas, polo futuro da súa calidade de vida. É importante orientar aos nenos e ás nenas dende idades temperás, xa que nun futuro serán os e as principais responsables do noso planeta. E xogando se poden aprender este principios e responsabilidades:

  • Luns 3: ECOXINCANA (xincana sobre ecoloxía).
  • Martes 4: MURAL DA RECICLAXE (mural colectivo).
  • Mércores 5: LANZA A TÚA MENSAXE (vídeo-forum).
  • Xoves 6: EQUIPO “R” (dinámica das tres erres).
  • Venres 7: SAÍDA: FOMENTAMOS A RECICLAXE (saída sobre concienciación ecolóxica e de tratamento de residuos).

A ludoteca está dirixida a nenos e nenas entre 4 e 12 anos, que poden asistir dez horas á semana repartidas como as familias desexen, sempre contando horas completas. 

Horario de luns a venres de 16.00 a 20.00 horas e os luns de 10.00 a 13.00 para atención ao público. 

Para asistir é imprescindible cubrir uns impresos de solicitude na propia ludoteca. Existen diferentes tarifas para cada neno/a, das que se informa no momento de inscrición.

Ler máis...
27 Xan
0

21 días en galego Moaña

por en Cultura

No Concello de Moaña sabemos que o idioma galego é o noso principal sinal de identidade. Trátase do máis importante legado recibido polas nosas devanceiras e devanceiros e representa a maneira que temos de ver o mundo e de presentarnos ante el como moañesas e moañeses, como pobo galego, en pé de igualdade coas outras linguas e culturas.

Temos unha lingua cargada de historia. A historia do noso pobo mariñeiro e traballador que usou durante séculos o idioma galego. Tamén a historia culta das
nosas letras, nas que se levan escrito desde a Idade Media obras de relevancia para a literatura universal.

Ademais, temos unha lingua cargada de futuro, válida como calquera outra para a comunicación dixital, para os estudos científicos ou o que nos propoñamos facer con
ela. O galego está cargado de oportunidades propias e tamén conectado co universo da lusofonía e os seus centos de millóns de falantes.

Así e todo, un recente estudo sociolingü.stico promovido polo Concello en colaboración cos centros de ensino indica que a vitalidade que mantivo o idioma galego en Moaña ata as xeracións que agora son maiores non se está a transmitir ás xeracións máis novas. Estamos ante un grave proceso de substitución lingü.stica. En Moaña prodúcese un abandono drástico do idioma, de xeración en xeración, semellante ao que ocorre en toda a área metropolitana de Vigo e en boa parte de Galiza. Actualmente só un 7% do alumnado dos institutos usa máis o galego que o
castelán, cifra que baixa ata un 4% no alumnado dos centros de infantil e primaria. Fronte a iso aumenta, ata superar o 50%, a xente nova que manifesta usar só o castelán, mesmo diminuíndo a opción “máis castelán que galego” que era maioritaria hai uns anos.

Neste contexto chega por segundo ano a campaña Moaña: 21 días en galego na que están involucrados todos os centros de ensino moañeses. Na primeira edición en 2019
foron moitas as rapazas e rapaces que aceptaron o reto de manter o uso exclusivo da nosa lingua durante os días da campaña, superando as nosas expectativas e poñendo de manifesto as posibilidades de futuro para o idioma galego.

Un ano máis dirixímonos a todas as moañesas e moañeses que empregan habitualmente o castelán para propoñerlles o desafío de expresarse as 24 horas en galego durante os 21 días que dura a campaña, entre o 27 de xaneiro e o 16 de febreiro de 2020.

Cos 21 días en galego a veciñanza comprobará a súa capacidade para usar a nosa lingua, vivirá os problemas cos que se atopan as persoas galegofalantes e tamén sentirá a satisfacción de recuperar o noso xeito de falar, contribuíndo a manter a nosa lingua outras mil primaveras máis. É unha oportunidade para que a veciñanza se reencontre consigo mesma, desenvolva novas capacidades neurolingü.sticas e manteña o que a fai singular.

Ler máis...
27 Xan
0

HOMENAXE Á PAZ MUNDIAL

por en Benestar Social, Destacada

A paz non só significa ausencia de guerra, senón que implica ter un entorno libre de toda forma de violencia. A paz interior permítenos dialogar e atopar as mellores solucións a calquera conflito. Vivir en paz axúdanos a aceptar os nosos erros e a reflexionar sobre eles. 

Unha cultura de paz implica unha educación que promova os comportamentos e actitudes que permitan estar en harmonía persoal e social e previr ou resolver conflitos de xeito pacífico, mediante o diálogo. E o xogo é unha ferramenta que nos pode axudar neste proceso de aprendizaxe. Por iso esta semana organizamos actividades lúdicas entorno á PAZ:

  • Luns 27: ABECEDARIO DA PAZ (mural con palabras de paz).
  • Martes 28: UN AVE PARA A PAZ (animación á lectura).
  • Mércores 29: RECITAR E PINTAR (poemario e pintura).
  • Xoves 30: MÓBIL “POMBA DA PAZ” (obradoiro).
  • Venres 31: SAÍDA: CAPTURANDO VALORES (saída para recoller de xeito gráfico actitudes positivas e de paz na cidadanía)

Ler máis...
22 Xan
0

Bases convocatoria para cubrir plazas persoal laboral

por en Persoal

BASES DA CONVOCATORIA PARA CUBRIR PRAZAS DE PERSOAL LABORAL INCLUIDAS NAS OFERTAS DE EMPREGO PÚBLICO DOS ANOS 2017 e 2018

Na Resolución de Alcaldía núm. 2020-0027, do 17 de xaneiro de 2020, aprobáronse as bases que regularán a convocatoria do proceso selectivo para cubrir prazas e postos de traballo vacantes no cadro de persoal laboral do Concello de Moaña, incluídas nas ofertas de emprego público dos anos 2017 e 2018, mediante o sistema de concurso oposición por quenda libre.

O número de prazas vacantes que se convocan, a súa denominación e características son as seguintes:

PERSOAL LABORAL FIXO:

1 praza de oficial 1ª de carpintería. Grupo 4B equiparado a efectos de titulación ao grupo C2 de persoal funcionario.

1 praza de oficial 1ª de albanelería. Grupo 4B equiparado a efectos de titulación ao grupo C2 de persoal funcionario.

O período de presentación de solicitudes será de vinte días naturais a contar dende o seguinte ao da publicación do anuncio da convocatoria no Boletín Oficial do Estado.

As bases íntegras publicaranse no taboleiro de anuncios e na sede electrónica do Concello de Moaña 

Link Sede Electrónica
Link Taboleiro de anuncios

Ler máis...
MINDFULNESS
20 Xan
0

MINDFULNESS: Entrenando a mente

por en Benestar Social

O mindfulness é unha técnica de relaxación, unha práctica de meditación e unha actitude máis distendida ante a vida. Trátase dunha ferramenta que se pode empregar en calquera situación e en calquera momento do día. O mindfulness para nenos e nenas se converte nunha alternativa excelente para adestralos no desenvolvemento de ferramentas e fortalezas persoais que lles axudan a tomar conciencia de sí mesmos e mesmas, mellorar a súa atención e concentración, aprender a xestionar as súas emocións, desenvolver a empatía e a compaixón…

E mediante o xogo, dinámicas e obradoiros diferentes traballaremos esta disciplina na ludoteca. Así: 

  • Luns 20: EXERCICIOS DE MINDFULNESS (dinámicas de relaxación).
  • Martes 21: MINDFULNESS CON ARTE (obradoiro de pintura).
  • Mércores 22: IOGA E RELAXACIÓN (exercicios de ioga).
  • Xoves 23: PELOTAS ANTIESTRÉS (obradoiro).
  • Venres 24: XINCANA MINDFULNESS (xincana).

Ler máis...
12