ESTREA EN MOAÑA
Do filme en galego máis visto e premiado da historia.
Xoves 13 de ferreiro de 2020, 20:00h.
Venres 14 de febreiro de 2020, 20:00h.
Auditorio do IES As Barxas. Entrada de balde ata completar aforo.
Novas
O contacto coa música dende a nenez, ademais de entreter e divertir, pode marcar unha diferenza considerable na formación, educación e desenvolvemento das habilidades dos nenos e das nenas. Dito contacto favorece o desenvolvemento do seu sistema motriz e da actividade cerebral, o que fomenta a súa creatividade e imaxinación. E se xogando coa música se aprende, na ludoteca imos facelo do seguinte xeito:
- Luns 10: CREACIÓN MUSICAL (música con diferentes materiais).
- Martes 11: COÑECEMOS MÚSIC@S (mural colectivo).
- Mércores 12: TWISTER MUSICAL (dinámica e xogo musical).
- Xoves 13: OCA MUSICAL (oca con probas).
- Venres 14: XOGOS MUSICAIS (xogos con música).
A ludoteca está dirixida a nenos e nenas entre 4 e 12 anos, que poden asistir dez horas á semana repartidas como as familias desexen, sempre contando horas completas.
Horario de luns a venres de 16.00 a 20.00 horas e os luns de 10.00 a 13.00 para atención ao público.
Para asistir é imprescindible cubrir uns impresos de solicitude na propia ludoteca. Existen diferentes tarifas para cada neno/a, das que se informa no momento de inscrición.
Máis información na Ludoteca ou no teléfono 986.31.50.38 (tardes).
Tódalas actividades se realizarán na propia Ludoteca
Reciclar os residuos é unha responsabilidade que temos todos e todas co noso planeta e cos nosos fillos e fillas, polo futuro da súa calidade de vida. É importante orientar aos nenos e ás nenas dende idades temperás, xa que nun futuro serán os e as principais responsables do noso planeta. E xogando se poden aprender este principios e responsabilidades:
- Luns 3: ECOXINCANA (xincana sobre ecoloxía).
- Martes 4: MURAL DA RECICLAXE (mural colectivo).
- Mércores 5: LANZA A TÚA MENSAXE (vídeo-forum).
- Xoves 6: EQUIPO “R” (dinámica das tres erres).
- Venres 7: SAÍDA: FOMENTAMOS A RECICLAXE (saída sobre concienciación ecolóxica e de tratamento de residuos).
A ludoteca está dirixida a nenos e nenas entre 4 e 12 anos, que poden asistir dez horas á semana repartidas como as familias desexen, sempre contando horas completas.
Horario de luns a venres de 16.00 a 20.00 horas e os luns de 10.00 a 13.00 para atención ao público.
Para asistir é imprescindible cubrir uns impresos de solicitude na propia ludoteca. Existen diferentes tarifas para cada neno/a, das que se informa no momento de inscrición.
No Concello de Moaña sabemos que o idioma galego é o noso principal sinal de identidade. Trátase do máis importante legado recibido polas nosas devanceiras e devanceiros e representa a maneira que temos de ver o mundo e de presentarnos ante el como moañesas e moañeses, como pobo galego, en pé de igualdade coas outras linguas e culturas.
Temos unha lingua cargada de historia. A historia do noso pobo mariñeiro e traballador que usou durante séculos o idioma galego. Tamén a historia culta das
nosas letras, nas que se levan escrito desde a Idade Media obras de relevancia para a literatura universal.
Ademais, temos unha lingua cargada de futuro, válida como calquera outra para a comunicación dixital, para os estudos científicos ou o que nos propoñamos facer con
ela. O galego está cargado de oportunidades propias e tamén conectado co universo da lusofonía e os seus centos de millóns de falantes.
Así e todo, un recente estudo sociolingü.stico promovido polo Concello en colaboración cos centros de ensino indica que a vitalidade que mantivo o idioma galego en Moaña ata as xeracións que agora son maiores non se está a transmitir ás xeracións máis novas. Estamos ante un grave proceso de substitución lingü.stica. En Moaña prodúcese un abandono drástico do idioma, de xeración en xeración, semellante ao que ocorre en toda a área metropolitana de Vigo e en boa parte de Galiza. Actualmente só un 7% do alumnado dos institutos usa máis o galego que o
castelán, cifra que baixa ata un 4% no alumnado dos centros de infantil e primaria. Fronte a iso aumenta, ata superar o 50%, a xente nova que manifesta usar só o castelán, mesmo diminuíndo a opción “máis castelán que galego” que era maioritaria hai uns anos.
Neste contexto chega por segundo ano a campaña Moaña: 21 días en galego na que están involucrados todos os centros de ensino moañeses. Na primeira edición en 2019
foron moitas as rapazas e rapaces que aceptaron o reto de manter o uso exclusivo da nosa lingua durante os días da campaña, superando as nosas expectativas e poñendo de manifesto as posibilidades de futuro para o idioma galego.
Un ano máis dirixímonos a todas as moañesas e moañeses que empregan habitualmente o castelán para propoñerlles o desafío de expresarse as 24 horas en galego durante os 21 días que dura a campaña, entre o 27 de xaneiro e o 16 de febreiro de 2020.
Cos 21 días en galego a veciñanza comprobará a súa capacidade para usar a nosa lingua, vivirá os problemas cos que se atopan as persoas galegofalantes e tamén sentirá a satisfacción de recuperar o noso xeito de falar, contribuíndo a manter a nosa lingua outras mil primaveras máis. É unha oportunidade para que a veciñanza se reencontre consigo mesma, desenvolva novas capacidades neurolingü.sticas e manteña o que a fai singular.
A paz non só significa ausencia de guerra, senón que implica ter un entorno libre de toda forma de violencia. A paz interior permítenos dialogar e atopar as mellores solucións a calquera conflito. Vivir en paz axúdanos a aceptar os nosos erros e a reflexionar sobre eles.
Unha cultura de paz implica unha educación que promova os comportamentos e actitudes que permitan estar en harmonía persoal e social e previr ou resolver conflitos de xeito pacífico, mediante o diálogo. E o xogo é unha ferramenta que nos pode axudar neste proceso de aprendizaxe. Por iso esta semana organizamos actividades lúdicas entorno á PAZ:
- Luns 27: ABECEDARIO DA PAZ (mural con palabras de paz).
- Martes 28: UN AVE PARA A PAZ (animación á lectura).
- Mércores 29: RECITAR E PINTAR (poemario e pintura).
- Xoves 30: MÓBIL “POMBA DA PAZ” (obradoiro).
- Venres 31: SAÍDA: CAPTURANDO VALORES (saída para recoller de xeito gráfico actitudes positivas e de paz na cidadanía)
BASES DA CONVOCATORIA PARA CUBRIR PRAZAS DE PERSOAL LABORAL INCLUIDAS NAS OFERTAS DE EMPREGO PÚBLICO DOS ANOS 2017 e 2018
Na Resolución de Alcaldía núm. 2020-0027, do 17 de xaneiro de 2020, aprobáronse as bases que regularán a convocatoria do proceso selectivo para cubrir prazas e postos de traballo vacantes no cadro de persoal laboral do Concello de Moaña, incluídas nas ofertas de emprego público dos anos 2017 e 2018, mediante o sistema de concurso oposición por quenda libre.
O número de prazas vacantes que se convocan, a súa denominación e características son as seguintes:
PERSOAL LABORAL FIXO:
1 praza de oficial 1ª de carpintería. Grupo 4B equiparado a efectos de titulación ao grupo C2 de persoal funcionario.
1 praza de oficial 1ª de albanelería. Grupo 4B equiparado a efectos de titulación ao grupo C2 de persoal funcionario.
O período de presentación de solicitudes será de vinte días naturais a contar dende o seguinte ao da publicación do anuncio da convocatoria no Boletín Oficial do Estado.
As bases íntegras publicaranse no taboleiro de anuncios e na sede electrónica do Concello de Moaña
O mindfulness é unha técnica de relaxación, unha práctica de meditación e unha actitude máis distendida ante a vida. Trátase dunha ferramenta que se pode empregar en calquera situación e en calquera momento do día. O mindfulness para nenos e nenas se converte nunha alternativa excelente para adestralos no desenvolvemento de ferramentas e fortalezas persoais que lles axudan a tomar conciencia de sí mesmos e mesmas, mellorar a súa atención e concentración, aprender a xestionar as súas emocións, desenvolver a empatía e a compaixón…
E mediante o xogo, dinámicas e obradoiros diferentes traballaremos esta disciplina na ludoteca. Así:
- Luns 20: EXERCICIOS DE MINDFULNESS (dinámicas de relaxación).
- Martes 21: MINDFULNESS CON ARTE (obradoiro de pintura).
- Mércores 22: IOGA E RELAXACIÓN (exercicios de ioga).
- Xoves 23: PELOTAS ANTIESTRÉS (obradoiro).
- Venres 24: XINCANA MINDFULNESS (xincana).
É difícil ensinar física e química como tal a nenos e nenas de infantil e primaria pola complexidade dos conceptos que se manexan nestas disciplinas, pero coa axuda de experimentos podemos explicar as súas bases, mediante a manipulación, a observación e a reflexión posterior. Deste xeito:
- Luns 13: XOGOS CON FÍSICA (experimentos).
- Martes 14: EXPERIMENTOS DE DENSIDADE (experimentos).
- Mércores 15: EXPERIMENTOS CON AIRE (experimentos).
- Xoves 16: EXPERIMENTOS CON ALIMENTOS (experimentos).
- Venres 17: XOGOS DE QUÍMICA (experimentos).
A ludoteca está dirixida a nenos e nenas entre 4 e 12 anos, que poden asistir dez horas á semana repartidas como as familias desexen, sempre contando horas completas.
Horario de luns a venres de 16.00 a 20.00 horas e os luns de 10.00 a 13.00 para atención ao público.
Para asistir é imprescindible cubrir uns impresos de solicitude na propia ludoteca. Existen diferentes tarifas para cada neno/a, das que se informa no momento de inscrición.
Dende o Concello animámosvos a participar en todas as actividades que programamos para este Nadal 2019-2020.
Hoxe luns vinde a recibir ao parque infantil da praza de abastos ao apalpador que ven desde o Courel con landras e música e non faltedes o martes 24 a chegada de Papá Noel ó alto da praza, tamén temos preparada animación infantil, un decorado no que poderedes sacar as vosas fotos para as felicitacións de Nadal e remataremos a tarde cunha nevada diante do palco da música.
Tamén organizamos Rechouchíos de Nadal en formato concerto o xoves 26 (nova data), venres 27, e venres 3 de xaneiro, todos eles ás 18 horas na praza do Concello e se vai mal tempo no patio cuberto do colexio de Reibón.
O luns 31 e o xoves 2 teremos sesión de cine no Salón de Plenos do Concello.
E o domingo 5 temos unha cita cos Reis Magos nunha gran cabalgata que como de costume partirá do peirao da Mosqueira e chegará ata a Casa do Concello onde os ditos Reis recibirán a todos os nenos e nenas. Na praza do Concello haberá inchables e cabalos de Adoc para a rapazada. Se o tempo non acompañase, a recepción dos Reis Magos sería no Pavillón da Xunqueira.
Para máis información de datas e horarios consultade o programa.
BOAS FESTAS!
PROGRAMACIÓN LUDONADAL
- Luns 23 de decembro: obradoiro de papá noel (obradoiro de reno de papá noel como gorro para poñer na cea de noiteboa).
- Martes 24 e mércores 25 de decembro: pechado por festividades de nadal
- Xoves 26 de decembro: caixiñas de neve (obradoiro de caixiñas de neve de cartolina e forro de pegar).
- Venres 27 de decembro: obradoiro de árbore de nadal (obradoiro de adorno de árbore de nadal con depresores e decoracións diversas).
- Do luns 30 de decembro ao luns 7 de xaneiro: pechado por convenio laboral
- Martes 7: agasallos dos reis magos (xogaremos cos agasallos que os reis magos nos deixen para a ludoteca).