A motivación é o motor da aprendizaxe, e resulta fundamental para espertar a curiosidade, mellorar o rendemento e fomentar un desenvolvemento emocional e social saudable. E para fomentar estas características tan importantes para o desenvolvemento das crianzas, na ludoteca realizaremos divertidas actividades como obradoiros, xincanas, xogos… que nos axudarán a mellorar a nosa motivación.
- Luns 9: VARIÑA MÁXICA (obradoiro).
- Martes 10: XOGOS CREATIVOS (xogos).
- Mércores 11: GLOBO (obradoiro).
- Xoves 12: GAMIFICACIÓN (dinámica).
- Venres 13: XOGOS DE AFIRMACIÓN E COHESIÓN (xogos).
A ludoteca está dirixida a nenos e nenas entre 4 e 12 anos, que poden asistir dez horas á semana repartidas como as familias desexen, sempre contando horas completas.
Horario de luns a venres de 16.00 a 20.00 horas e os luns de 10.00 a 13.00 para atención ao público.
Para asistir é imprescindible cubrir uns impresos de solicitude na propia ludoteca. Existen diferentes tarifas para cada neno/a, das que se informa no momento de inscrición.
Máis información na Ludoteca ou no teléfono 986.31.50.38 (tardes).