Turismo, promoción económica e cultural:
A Área de Promoción Económica do Concello de Moaña regula e promove accións que favorezan os sectores do Comercio e Hostelería, Praza de Abastos, Mercados, Feiras e o sector da empresa en xeral, presidindo tamén o Patronato Beiramar para a promoción e formación no emprego.
Neste eido organiza, coa Asociación de Hostelaría: MOAÑA DE TAPA EN TAPA (en maio e xuño) e o CONCURSO DE TAPAS DE OUTONO, coa Asociación de Comerciantes: a FESTA DO COMERCIO LOCAL (en setembro) e coa Praza de Abastos o DÍA DOS MERCADOS (en maio).
Desta área depende tamén o MERCADILLO ordinario de mércores e sábados, así como a organización das feiras: a FEIRA ECO-ARTESÁ de primavera e de outono, a FEIRA DA VIDA SAUDABLE en xuño, a Mostra de artesanía e Cultura Tradicional A MOA en xullo, a FEIRA DO MEL en agosto e a FEIRA DO NADAL en decembro.
A Área de Turismo e Promoción Cultural do Concello de Moaña encárgase de organizar, promover ou colaborar cunha grande cantidade de actividades durante todo o ano para destestacionalizar o turismo. Organiza as festas e festivais do verán (non relixiosas) e noutras datas sinaladas do ano para promover a asistencia de visitantes á nosa Vila, por exemplo: Festival VARADERO, Festival INTERCÉLTICO do Morrazo, DÍAS DE MAR de Moaña, Festa Medieval MOAÑA ANTIQUA, Festa do MEXILLÓN, Festival de JAZZ, Rutas culturáis e turísticas DESCUBRE MOAÑA, Roteiros musicados MOAÑA MÚSICA E SON, Festa do SAMAÍN, Festas de SAN MARTIÑO…e colaborando intensamente con outras áreas como a de Cultura, Normalización lingüística, Deporte, Muller e Igualdade como na FESTA DA DIVERSIDADE.
