Queremos celebrar este 10º aniversario coas familias que cada semana participan nestas actividades de lecer e de apego polo noso, grazas ás cales contamos cun programa estable para achegar recursos lúdicos, educativos e culturais que se desenvolven en distintos espazos socioculturais do noso concello.
Neste novo ciclo que comeza o venres 6 novembro haberá moito teatro, música, humor e animación ata chegarmos ao 30 de decembro. Consultade o programa completo no cartel e anotade nas vosas axendas esta oportunidade para compartir cancións, xogos e momentos cheos de maxia! Un espazo para xogar, crear, facer novas amizades e medrar en galego gozando da nosa lingua en familia.
