Divertinúmeros
As matemáticas son fundamentais para o desenvolvemento intelectual das crianzas pois axúdalles a ser lóxicos, a razoar de xeito ordenado, a ter a mente preparada para o pensamento, a crítica e a abstracción… A exploración do mundo, a identificación de formas e patróns, as contas… ao final todo son matemáticas. E un xeito divertido de aprender é xogando. Ao tempo que pasamos un bo rato, imos aprendendo contidos matemáticos, contidos para a vida diaria.
- Luns 7: BLOQUES LÓXICOS (bloques lóxicos).
- Martes 8: DÁNDOLLE AO COCO (xogos de mesa).
- Mércores 9: RETOS (retos por tempos).
- Xoves 10: TANGRAM CON LUZ (tangram e mesa de luz).
- Venres 11: AS CANTIDADES (xogos co robot).
A ludoteca está dirixida a nenos e nenas entre 4 e 12 anos, que poden asistir dez horas á semana repartidas como as familias desexen, sempre contando horas completas.
Horario de luns a venres de 16.00 a 20.00 horas e os luns de 10.00 a 13.00 para atención ao público.
Para asistir é imprescindible cubrir uns impresos de solicitude na propia ludoteca. Existen diferentes tarifas para cada neno/a, das que se informa no momento de inscrición.
Máis información na Ludoteca ou no teléfono 986.31.50.38 (tardes).