Hoxe comeza o inverno, e con el as vacacións de Nadal. Na ludoteca a partir de mañá, mércores 22 de decembro, cambiamos o noso horario de apertura para as mañás, de 09:00 a 14:00 horas, e podedes vir a pasar a mañá con nós, sempre con reserva de praza.
Temos programadas moitas actividades relacionadas co Nadal e coa súa maxia. De feito, o xoves 30, para despedir o ano 2021 e darlle a benvida ao 2022 con ilusión, contaremos coa actuación dun MAGO, que nos sorprenderá seguro:
- Mércores 22: POSTAIS DE NADAL (obradoiro).
- Xoves 23: ELFO DE NADAL (obradoiro).
- Luns 27: XOGAMOS COS AGASALLOS DE NADAL (haberá agasallos para a ludo?)
- Martes 28: VELAS DE INOCENTES (obradoiro).
- Mércores 29: ADORNO DE FIN DE ANO: SERVILLETEIROS (obradoiro).
- Xoves 30: O MAGO PACO VISITA A LUDOTECA!!! (espectáculo de maxia co Mago Paco).
A ludoteca está dirixida a nenos e nenas entre 4 e 12 anos, que poden asistir dez horas á semana repartidas como as familias desexen, sempre contando horas completas.
Para asistir é imprescindible cubrir uns impresos de solicitude na propia ludoteca. Existen diferentes tarifas para cada neno/a, das que se informa no momento de inscrición.
Máis información na Ludoteca ou no teléfono 986.31.50.38 (tardes).