O baúl dos xoguetes
O que máis lles gusta ás crianzas é xogar, e tamén xogar con xoguetes. E que mellor que ser partícipes na súa fabricación. Esta labor axuda a fomentar a creatividade e a imaxinación e ademais se converte nunha fonte inesgotable de diversión. Grazas á elaboración dos seus propios xoguetes desenvolven habilidades motoras, de coordinación, de asimilación de conceptos, de comprensión e de adaptación. E todo dende unha perspectiva lúdica e, sobre todo, divertida. Será unha semana moi creativa e chea de obradoiros:
- Luns 31: FOUCIÑOS DE REFUGALLO (obradoiro).
- Martes 1: ANIMAIS HIXIÉNICOS (obradoiro).
- Mércores 2: INVENTAMOS ROBOTS (obradoiro).
- Xoves 3: LANZA CONFETTI (obradoiro).
- Venres 4: TREN COLECTIVO (obradoiro).
A ludoteca está dirixida a nenos e nenas entre 4 e 12 anos, que poden asistir dez horas á semana repartidas como as familias desexen, sempre contando horas completas.
Horario de luns a venres de 16.00 a 20.00 horas e os luns de 10.00 a 13.00 para atención ao público.
Para asistir é imprescindible cubrir uns impresos de solicitude na propia ludoteca. Existen diferentes tarifas para cada neno/a, das que se informa no momento de inscrición.
Máis información na Ludoteca ou no teléfono 986.31.50.38 (tardes).