Que se fala no mundo?

A diversidade das linguas mundiais e a súa aprendizaxe contribúen ao entendemento entre os pobos e culturas. As linguas son vehículos de valores éticos, o que favorece unha cultura de paz, así coma o fomento da innovación e a creatividade das persoas. Aprenderemos a respectarnos coñecendo distintas linguas, falando e deixando falar, vendo á outra persoa como unha interlocutora válida e unha igual. E todo… xogando sen parar!

• Luns 31: PECHADO: PONTE (desculpen as molestias)
• Martes 1: PECHADO: FESTIVO NACIONAL
• Mércores 2: AS LINGUAS DO MUNDO (xogo de pistas).
• Xoves 3: LINGUA DE SIGNOS (xogo da oca con LSE).
• Venres 4: ENCAIXANDO IDIOMAS (quebracabezas dos idiomas).

A ludoteca está dirixida a nenos e nenas entre 4 e 12 anos, que poden asistir dez horas á semana repartidas como as familias desexen, sempre contando horas completas. 

Horario de luns a venres de 16.00 a 20.00 horas e os luns de 10.00 a 13.00 para atención ao público. 

Para asistir é imprescindible cubrir uns impresos de solicitude na propia ludoteca. Existen diferentes tarifas para cada neno/a, das que se informa no momento de inscrición.

Máis información na Ludoteca ou no teléfono 986.31.50.38 (tardes).