21 DÍAS EN GALEGO. Do 1 ao 21 de marzo vive as 24 horas na nosa lingua.

Chega a V Edición da Campaña 21 DÍAS EN GALEGO na que se involucran todos os centros educativos de Moaña. A infancia, a rapazada e a mocidade propuxéronse usar a nosa lingua ata o 21 de marzo como un reto para adquirir un novo hábito e mergullárense de cheo no uso da nosa lingua.

Desde o Concello animamos a toda a viciñanza a arroupar e acompañar a nosa comunidade educativa no seu camiño para “capacitarse” en galego e, de paso, atoparse consigo mesma e darlle uso e utilidade ao idioma.

Aspiramos a que os 21 DÍAS EN GALEGO se convertan no estímulo que incremente a presenza da nosa lingua entre a xente nova durante todo o ano contribuíndo a preservar o noso principal sinal de identidade ao deixar un legado para o futuro.