As cores da primavera

O tempo pasa voando e xa estamos a piques de entrar na primavera. A vindeira semana cambiaremos o decorado da ludoteca por outro máis acorde coa estación do ano que comeza e faremos obradoiros e xogos que nos animen.

• Luns 14: DECORACIÓN DE FIESTRAS (obradoiro)
• Martes 15: GRILANDA ARCO DA VELLA (obradoiro).
• Mércores 16: CAIXIÑAS DE PAXAROS(obradoiro).
• Xoves 17: TARXETA DA CALMA (obradoiro).
• Venres 18: ANIMAIS DE CORES (obradoiro).

A ludoteca está dirixida a nenos e nenas entre 4 e 12 anos, que poden asistir dez horas á semana repartidas como as familias desexen, sempre contando horas completas. 

Para asistir é imprescindible cubrir uns impresos de solicitude na propia ludoteca. Existen diferentes tarifas para cada neno/a, das que se informa no momento de inscrición.

Máis información na Ludoteca ou no teléfono 986.31.50.38 (tardes).