Coñecendo o cubismo

O cubismo é un movemento artístico que rompe coa perspectiva de arte tradicional e que se caracteriza principalmente por debuxar ou pintar con moitas liñas e superficies. Neste movemento as formas xeométricas son as protagonistas. Na ludoteca, a través de diferentes técnicas e xogos, aprenderemos que é o cubismo e crearemos verdadeiras obras de arte empregando a nosa imaxinación e creatividade:

• Luns 31: CUBISMO CON PICASSO (mural).
• Martes 1: CADRO CON FORMAS (cadro cooperativo).
• Mércores 2: CUBISMO CON “SR. POTATO” (dinámica).
• Xoves 3: ÁRBORE CUBISTA (obradoiro).
• Venres 4: COMPOSICIÓN (obradoiro).

A ludoteca está dirixida a nenos e nenas entre 4 e 12 anos, que poden asistir dez horas á semana repartidas como as familias desexen, sempre contando horas completas. 

Horario de luns a venres de 16.00 a 20.00 horas e os luns de 10.00 a 13.00 para atención ao público. 

Para asistir é imprescindible cubrir uns impresos de solicitude na propia ludoteca. Existen diferentes tarifas para cada neno/a, das que se informa no momento de inscrición.

Máis información na Ludoteca ou no teléfono 986.31.50.38 (tardes).