Festexando o nadal

E así, sen darnos conta, xa estamos na semana do Nadal, a piques de rematar o ano e empezar un novo. Esta semana adornaremos a ludoteca con motivos de Nadal, faremos adornos para a casa, cantaremos panxoliñas… imos prepararnos para que sexa un Nadal moi moi especial: 

• Luns 19: ÁRBORE DE NADAL (decoración).
• Martes 20: OBRADOIRO BASTÓNS XIGANTES (decoración).
• Mércores 21: COLGA NADAL (obradoiro decoración).
• Xoves 22: CANCIONEIRO DE PANXOLIÑAS (panxoliñas).

A ludoteca está dirixida a nenos e nenas entre 4 e 12 anos, que poden asistir dez horas á semana repartidas como as familias desexen, sempre contando horas completas. 

Horario de luns a venres de 16.00 a 20.00 horas e os luns de 10.00 a 13.00 para atención ao público. 

Para asistir é imprescindible cubrir uns impresos de solicitude na propia ludoteca. Existen diferentes tarifas para cada neno/a, das que se informa no momento de inscrición.

Máis información na Ludoteca ou no teléfono 986.31.50.38 (tardes).