Mitoloxía
A mitoloxía é o conxunto de relatos ou mitos relacionados cunha cultura ou relixión determinada e co que na antigüidade se pretendía dar explicación a diversos sucesos naturais, atmosféricos ou emocionais e para os que as persoas a veces non atopaban razóns lóxicas. E que mellor que xogar para coñecer as historias destes heroes, heroínas, deuses, deusas, animais… da mitoloxía universal?
- Luns 13: PERSOAXES DE LENDAS DE GALICIA (mural).
- Martes 14: CREA O TEU MONSTRO MITOLÓXICO (obradoiro).
- Mércores 15: A CAIXA DE PANDORA (videoconto e obradoiro).
- Xoves 16: MITOLOXÍA CLÁSICA (obradoiro).
- Venres 17: XOGO: O PANTEÓN OLÍMPICO (xogo de probas e preguntas).
A ludoteca está dirixida a nenos e nenas entre 4 e 12 anos, que poden asistir dez horas á semana repartidas como as familias desexen, sempre contando horas completas. O horario de apertura é de 16:00 a 20:00 horas.
Para asistir é imprescindible cubrir uns impresos de solicitude na propia ludoteca. Existen diferentes tarifas para cada neno/a, das que se informa no momento de inscrición.
Máis información na Ludoteca ou no teléfono 986.31.50.38 (tardes).