Continuamos na ludoteca coa programación deste curso 2020/2021, desta vez co espazo como temática. Á rapazada lle entusiasma moito o universo, pero explicarlle conceptos tan abstractos é complicado. Por iso, mediante o xogo e obradoiros, amosarémoslle unha idea global para que poidan ir interrelacionando todos os conceptos en función da súa idade e das súas capacidades.

A programación diaria será a seguinte:

  • Luns 5: FASES DA LÚA(obradoiro).
  • Martes 6: CASCO DE ASTRONAUTA (obradoiro).
  • Mércores 7: COMECOCOS ESPACIAL (xogo).
  • Xoves 8: CONSTELACIÓNS PROPIAS (obradoiro).
  • Venres 9: XOGOS ESPACIAIS (xogos).

A ludoteca está dirixida a nenos e nenas entre 4 e 12 anos, que poden asistir dez horas á semana repartidas como as familias desexen, sempre contando horas completas.

Horario de luns a venres de 16.00 a 20.00 horas e os luns de 10.00 a 13.00 para atención ao público.

Para asistir é imprescindible cubrir uns impresos de solicitude na propia ludoteca. Existen diferentes tarifas para cada neno/a, das que se informa no momento de inscrición.

Máis información na Ludoteca ou no teléfono 986.31.50.38 (tardes).