Somos artistas
Todos os nenos e nenas son artistas. Cada persoa ten o seu potencial e as súas propias habilidades, e é moi importante validalas e fomentalas para conseguir alta autoestima, progreso, confianza, ilusión… E na ludoteca sabemos que, ademais, xogar coas nosas potencialidades é moi divertido. Así que esta semana converterémonos en verdadeiros/as artistas e mostraremos as nosas habilidades:
- Luns 29: MONSTROS PINTORESCOS (obradoiro).
- Martes 30: ARTE CIRCENSE (xogos).
- Mércores 31: PEQUE-ESCULTURAS (obradoiro).
- Xoves 1: A SÉTIMA ARTE (dinámicas)
- Venres 2: MÚSICA E RITMO (música e bailes).
A ludoteca está dirixida a nenos e nenas entre 4 e 12 anos, que poden asistir dez horas á semana repartidas como as familias desexen, sempre contando horas completas. O horario de apertura é de 16:00 a 20:00 horas.
Para asistir é imprescindible cubrir uns impresos de solicitude na propia ludoteca. Existen diferentes tarifas para cada neno/a, das que se informa no momento de inscrición.
Máis información na Ludoteca ou no teléfono 986.31.50.38 (tardes).