Festas

Ver Fotos
inicio

As festas e os eventos populares que teñen lugar en Moaña son unha mostra do carácter alegre e aberto dos seus habitantes, que celebran de forma especial as festas patronais da Virxe do Carme e de San Martiño; pero que tamén teñen tempo para as romarías tradicionais e as exaltacións gastronómicas dos seus produtos.
Así mesmo, o Entroido Moañés ten sona en toda Galicia e o Festival Intercéltico é xa un clásico dentro da oferta musical e cultural tanto de Galicia como de España.
Mercado Municipal: ten lugar todos os mércores e sábados do ano pola mañá na explanada do paseo marítimo que hai detrás da praza de abastos.

Datas das festas

Festival Intercéltico

Ver Fotos
datas

FESTAS LOCAIS OU PATRONAIS

  • 16 de xullo: Virxe do Carme.
  • 11 de novembro: San Martiño.

FESTAS PARROQUIAIS

  • Parroquia de Domaio:
    • 29 de xuño: San Pedro.
    • 1º domingo de xullo: Romaría de Chan de Arquiña.
    • 11 de xullo: San Benito.
    • 1 de agosto: Festa do Cazador.
    • 10 de agosto: Romaría de San Lourenzo.
  • Parroquia de Meira
    • Finais de xullo, principios de agosto: Romaría de Bronlle.
    • 2º domingo de agosto: Peregrina.
    • 24 de agosto: San Bartolomeu.
  • Parroquia do Carmen
    • 13 de xuño: Santo Antonio.
    • 10 de xullo: San Cristovo.
    • 16 de xullo: Virxe do Carme.
    • 13 de setembro: Os Milagres.
  • Parroquia de San Martiño
    • 11 de novembro: San Martiño. 
  • Parroquia de Tirán
    • Luns e martes de Pascua: Romaría da Virxe dos Remedios.
    • 24 de xuño: San Xoán.
Ver Fotos
interceltico

Este espectáculo é xa un clásico dentro da oferta cultural e musical de Galicia e España, un signo de identidade para Moaña que conta xa con máis dunha década de existencia. Realízase a última fin de semana de xullo e comezou sendo un acto de fin de semana con folclore tradicional. Despois alongouse a dez días, engadindo teatro, programación infantil, etc. Estas últimas edicións volve aos comezos, con só folclore musical tradicional e evolucionado, que reúne o máis destacado da música folk Internacional.
www.interceltico.com

Entroido

Ver Fotos
entroido

Festa de sona en toda Galicia que empeza o Martes de Entroido e destaca polo gran desfile do Enterro da Sardiña, que se celebra o Domingo de Piñata como peche a toda unha semana de festa e diversión.