Arte infancia
Todo neno e toda nena son artistas de verdade. Porque cren cegamente no seu propio talento e non teñen medo a equivocarse. Porque a arte é iso, crear sen medo, sen vergoña, plasmando o que verdadeiramente se sinte e tal e como gusta. Para a rapazada a arte é un medio de expresión que lles conecta directamente cos seus sentimentos, pensamentos e ilusións. Por iso, centrándonos máis no proceso da creación ca no propio resultado, a vindeira semana empregaremos distintas técnicas que farán as tardes moi divertidas e creativas:
- Luns 12: PAPEL PINTADO CON CERAS (obradoiro).
- Martes 13: ÁRBORES DE BURBULLA (obradoiro).
- Mércores 14: PINTANDO ANIMAIS (obradoiro).
- Xoves 15: CREAR CON LA (obradoiro).
- Venres 16: CESTERÍA DE RECICLAXE (obradoiro).
A ludoteca está dirixida a nenos e nenas entre 4 e 12 anos, que poden asistir dez horas á semana repartidas como as familias desexen, sempre contando horas completas.
Horario de luns a venres de 16.00 a 20.00 horas e os luns de 10.00 a 13.00 para atención ao público.
Para asistir é imprescindible cubrir uns impresos de solicitude na propia ludoteca. Existen diferentes tarifas para cada neno/a, das que se informa no momento de inscrición.
Máis información na Ludoteca ou no teléfono 986.31.50.38 (tardes).