Dis-frutando…
O venres 3 de decembrose celebra o Día Internacional das Persoas con Discapacidade co obxectivo de promover os seus dereitos e o seu benestar en todos os ámbitos da sociedade, así como de concienciar sobre a súa situación en todos os aspectos da vida. Con este último propósito imos traballar na ludoteca, para que coñezan de primeira man as súas necesidades, características, formas de comunicarse… e todo mediante xogos e dinámicas divertidas. Así:
- Luns 29: DEPORTES PARAOLÍMPICOS (mural e xogos).
- Martes 30: PONTE NA SÚA PEL (xogos).
- Mércores 1: DISCAPACIDADE SENSORIAL (dinámicas).
- Xoves 2: DIVERSIDADE CULTURAL (dinámica).
- Venres 3: COÑECEMOS OUTROS MEDIOS/SISTEMAS DE COMUNICACIÓN (dinámica de animación á lectura).
A ludoteca está dirixida a nenos e nenas entre 4 e 12 anos, que poden asistir dez horas á semana repartidas como as familias desexen, sempre contando horas completas.
Horario de luns a venres de 16.00 a 20.00 horas e os luns de 10.00 a 13.00 para atención ao público.
Para asistir é imprescindible cubrir uns impresos de solicitude na propia ludoteca. Existen diferentes tarifas para cada neno/a, das que se informa no momento de inscrición.
Máis información na Ludoteca ou no teléfono 986.31.50.38 (tardes).