Novas
Comezamos un novo ciclo dos Rechouchíos de marzo e abril con actividades de contacontos, monicreques, teatro e música en directo para público infantil e familiar nas tardes dos venres desde o 15 de marzo ata o 26 de abril de 2024 nos diferentes locais socioculturais do concello repartidos polas parroquias.
Nuria Vil e Gabri Fuentes conducen a gala que contará coa actuación de Mondra e con intérpretes en lingua de signos.
Será o 17 de febreiro no Teatro Principal de Santiago ás 20.00 h.
Nesta edición inscribíronse 68 canles e 24 vídeos foron propostos para o Premio do Público, o que suman 32.480 minutos máis de vídeos en galego no YouTube.
Un total de 18 finalistas disputaranse os oito galardóns nos que se dividen os Premios Youtubeiras 2023. Podes consultar as propostas finalistas aquí.
A entrada é de balde, mais se queres asistir tes que recoller o teu convite na Zona C (na rúa do Preguntoiro, 1,) do 13 ao 17 de febreiro ou no despacho de billetes do teatro desde unha hora antes do evento.
A gala porá sobre o escenario proximidade e reflexión para remarcar o significado do lema que os galardóns asumen nesta edición: Rede aberta, Rede diversa!
Youtubeiras é unha iniciativa organizada polos servizos de Normalización Lingüística de Ames, Carballo, O Grove, Moaña, Pontevedra, Ribadeo, Rois, Santiago de Compostela e Teo, da Deputación da Coruña e da Universidade de Vigo, da Universidade de Santiago de Compostela e da Universidade da Coruña.
